韓國鴨仔遊 Day 2 - 25/9/2010
5星酒店是睡得不錯的~大概凌晨機太累也是原因~ 但~ 早餐雖是buffet, 但難食到爆=.= 食方包飲奶算了~ 飽餐後到"靜江園", <<食客>>拍醬缸的地方, 事實那邊是個大公園, 一大片綠油油草地, 平時都困在水泥牆中上班+勁OT , 來到這種地方特別舒服~ 可惜還太早吧~ 只有小小一棵變了紅葉...early lunch 到了, 拌飯, 一團人, 阿豬媽黎個撈大鑊飯, 由於飯熱料凍既關係, 排隊領的飯也是涼涼的。但係, 好食!! 之後做左壞小朋友會做既事, 食完飯跳~ 哈哈哈哈~~~~影相試下運動mode 嘛~~~~
yo~ 下一站, DIY 肥皂 & 餵羊, 第一次做肥皂, 我做左玫瑰味粉紅色魚魚~~ 之後餵羊, 呀~~~臭臭羊, 唔知係咪未食lunch, 搶住食, 好驚呀~ 好彩有欄, 唔係放佢地出黎。但係有隻綿羊好"潮", 玩skin head, d 毛毛比人剃左半邊身咋!!!! 定剃毛中途負責人去左聽電話, 返黎唔記得左?? 哈哈哈~
行上少少, 山上有木製高腳屋同鞦韆供遊客拍照。再滾返落山。領取肥皂製成品。
第7站, 自費行程。貴!!! 同友人冇時間開茶會, 完全唔知有呢個行程。但唔去沒事做, "山卡啦"地方~ 好吧~被迫~ 3萬won 搭 20mins 火車去正東津火車站。沿東海行駛, 最近海岸的火車。旅遊巴去火車站中途有休息站, 買了個煎糖餅, 好味~ 糯米皮, 中間是肉桂糖。不算太甜。nice!! 在火車站等上車, 還好同團有個BB , 哈哈~ 4歲仔仔??? 好可愛, 為大家帶來歡樂。舊式車卡...由於30-45mins 一班火車, 大家跳軌訓路軌又黎啦~ 哈哈~ 如路軌當平衡木也不錯, 金雞獨立又得。當然少不了懷舊mode 啦~ 好快日落了, 染成金黃的天, 浪漫慘了。酒不醉人自醉。
之後再到附近的沙漏公園, 用一年時間才會漏完。 其實東海那邊的沙灘, 都比較大浪的。我跟友人為免鞋子入沙, 打死也不跟導遊及其他團友落沙灘同玩水。入晒沙又濕褲真係多得佢唔少。拍拍照好了~
之後也買了黑輪串吃, 之前見<<花樣男子>> 具俊表食得咁開心, 終於吃到了~ ok的~ 但那杯湯, 豉油水般, 跟友人也飲不完那半杯, 倒了。 也到沙灘旁的小店買了6枝仙女棒回酒店玩。 500 won @~ Dinner 完回酒店, 不顧寒風吹, 玩起來~ 美麗的瞬間, 總如花火般, 短暫。
呵呵呵~玩得好開心, 香港沒得玩仙女棒這些煙花活動的~~~
全站熱搜
留言列表
