沖繩4月~ Day 2 我和魚魚有個約會

10 April 2013

OH YEAH~ 沖繩之旅正式開始~ 去canteen 吃早餐，照舊，海灘景~ 拿餐具時...A ya~ 有小朋友餐具- 麵包超人公仔，好貼心呀~ 我梗係用小朋友餐具食早餐啦~~~ 呵呵呵呵~~~早餐都有傳統沖繩料理，仲有"水雲"...正好~ 可以試一下好不好吃才決定買不買。用醋浸開的海藻，味道不錯...但買回家，應該只有我吃....
所以~還是不買了~

飽餐後出發睇魚魚啦~先搭#120 / 20 向那霸方向到Busenra Terrance 站再步到行到售票處。買了海中展望塔+玻璃底船combo ticket，2000 yen @。

先搭隻鯨魚船，好可愛呀~~~

玻璃底鯨魚船搭乘中~ 嘩，今日好大浪下喎~ 隻船好搖呀。望著中間的玻璃船底，水真的很清...海星海膽也不少。但珊瑚就沒有很繽紛，可能因為水依然算淺...水溫不夠低。(聽說水溫升高，珊瑚就會變愈來愈淺色變白色，如果白色得太久就會死掉)
間中，會停低隻船，工作人員會掉魚糧落水引魚魚游過來。但其實又沒有很好玩，因為沒得自己餵，魚魚也沒有看很清楚~也沒有很漂亮。

坐完20min 船，步行向海中展望塔去。

嘩~ 唔係掛~大風到嘔呀~ 超級凍~~~~~ 行轉轉樓梯落到最底，有好多個窗可以見到海底既魚魚，佢地有的好醜樣，有的好可愛。

睇夠魚就搭SHUTTLE BUS 去返入口等#120 /20 巴士往名護bus terminal~~~ 轉搭#70 再往北上，向世界最大水族館 - 沖縄美ら海水族館 GO GO~

我們事先於便利店買了折扣票1800 > 1620 YEN。水族館門口票賣正價喔~
沖縄美ら海水族館到著。

整天都是密雲，風很大，超冷的!!! 應該只有16度左右??!! 最快速度找水族館入口，趕快往室內去。第一個必停地點: 觸摸池~~~ 池有好多海星同海參...大家都可以拎同摸...不過唔好拎上水喔~ 玩完記得洗洗手。

之後往鯨鯊魚缸去~~~ 嘩嘩~ 真係好大條呀~~~~~ 但個樣好懵....

哈哈哈哈~ 豹紋魔鬼魚好靚~~~~

停留了許久，細看被困在小小"大魚缸"的魚魚....怎樣游都只能在這樣小的地方打轉...真替牠們感到悶...有點點感嘆~~~本想去看「黑潮探險之旅」，即到水槽上方看下面大魚缸，可惜忘了時間1430 -1730 停止開放，只好作罷。正想先吃個LUNCH 之時，原來做餵食!!!!!!!!!!!! 嘩，勁呀~ 親眼見到兩條大魚(鯨鯊)垂直暴風吸入魚糧中~~~~
水面直播~~~~暴風吸入!!!!!! 好壯觀喔~真係好壯觀~ 聽到電視聲"herrrr...." 一聲大量水流入魚口中。看到目瞪口呆。

水族館參觀過後，去了看海豚劇場~ 哈哈哈~我好久沒去香港的海馬公園了.... 這裡再看到海豚&偽虎鯨表演....唱歌拍手頂波花式跳水樣樣精。好叻呀~

之後再去看海龜....嘩!!!! 真係好大隻呀!!!! 是龜仙人嗎??????
見到海龜版 traffic jam....好搞笑~~~

之後又搞一隻大龜影大頭照，再給牠看自己的照片....牠眼睛真的往相機看。太搞笑了!!! (我都知因為有光所以望各相機，但動作真的太有人性了，哈哈 )

再來，美人魚........................................海牛館!!! 其實海牛真的很醜....好肥好肥....一團的~ 佢地動作真的好...好...好...慢....館內仲有海牛BB 出世過程的影片播放。不看真的不知BB 出世要好幾小時...如果出世不懂上水呼吸第一口氣就會浸死....當然，人工養的...不會浮上水會有工作人只幫助....那麼海中出世的BB如果..........oh no~~~~~

最後看了標本館...其實睇標本都真係頗驚慌的...因為真的有好好好好好好大條魚標本 (只是魚頭不張口，就有人那麼高).......(所以在英國自然博物館看動物標本/模型，我就說了幾十次 "好驚呀!!!" ，因為真係好得人驚!!!!!)

花了4，5個小時參觀完了....又等巴士回名護bus terminal再轉回幸喜....那年春天，風在吹。冷風吹得我打震........好不容易等到幾乎是尾班車去幸喜...累得不像話....