泰HEA 遊 DAY 1 - 華欣－Miss 車車的Petite Footsteps

8 SEP,2011

跟老友連續3年一年一遊~ 今年黎到泰國。依然自由行。由於有連假,買唔到平機票。最後買左"約旦皇家航空"。搭夜機2120，凌晨1點多到泰國機場，第1次訓機場。我地選擇左光鮮又乾淨又多BACKPACKER訓既離境大堂，結果凍到嘔。梗有一部冷風機o係左近。

到5點頂唔順，落搭metro 底層等第1班地鐵。o個度多好多人。因為冇冷風機，暖好多。而所有座位都係軟座。笨左。
訓醒搭第一班機場快線去市區，搭BTS去victoria monument 搭van仔落華欣。180bhat 一位。等一陣齊人就出發！哈哈，熱帶地方難免有蚊，跟友人立即貼蚊貼噴蚊怕水。真係去旅行做足準備。

約3小時飈落華欣，到clock tower再搭左幾十bhat去酒店門口。

今次自由行貌似好有米咁住Hilton - Hilton Hua HIn Resort & Spa Hotel ! 去到有得早少少checkin 上房，嘩！好開心呀！好大間房仲有望靚靚海景既露台。中層望海，哈哈，心情立即大好，各自執執個樣就準備去玩了。

除了於機場買左袋包同盒百力枝之外就冇食野，所以立即落街搵食，冇咩心水而街上又冇咩人，是但入左一間，都唔錯，為填肚去啫。

飽餐後，講價搭篤篤去PlearnWan 同愛與希望之宮包來回。Wow~ 速度跟香港亡命Van 無異!!! 但同朋友完全唔驚仲一路影癲婆相! 哈哈哈~
PlearnWan 是一個仿舊式景點?! 免費入場。門口是鐵皮搭出黎的。好特色~因為o係香港冇點見過鐵皮屋。古舊外表的店鋪賣著傳統街邊小吃飲品。
我們就只顧拍照拍照還是拍照。有的賣懷舊玩意的店還貼著不少貓王Elvis 及心中永遠既女神柯德利夏萍既相片。

約兩小時後再出飈車去愛與希望之宮，買過門票後入內參觀。跟本就一個大花園嘛!!! 這個行宮應該是夏天才來吧。好簡潔的feel 而又四通八達得像迷宮。

幸好趕得及，做最後一批上一樓參觀的人。因為建築大多以木為主，經過日曬雨淋，風吹雨打，及無數遊人的到訪，得好好保護才對。所以每日有限參觀時段及每段時間的參選人數。怕把行宮踩爛，哈哈哈~~~ 而怕閃光燈會傷害木材，所以整層一樓都不能拍攝。

之後到旁邊的沙灘邊玩! 但天色開始昏暗，天上厚厚的雲層，風聲夾雜著水平線遠處的雷聲，有點怕怕=.=" 如果要住這兒，晚上我會覺得好可怕。
玩了一會就走了，何況宮殿也要關門了。